alfa framtak

 Aðferðin


Okkar nálgun

Virkilega virkt eignarhald

Við tökum virkan þátt í rekstri fyrirtækjanna sem við fjárfestum í. Virkt eignarhald felur í sér meira en að veita fjármagn; það snýst um að hjálpa fyrirtækjum að setja skýr markmið, skilgreina lykilmælikvarða (KPI), samstilla hvata stjórnenda og fylgjast náið með rekstrinum.

Jafnframt vinnum við að sjálfbærni til að tryggja árangur til langs tíma fyrir fyrirtækið og samfélagið allt.

Þessi nálgun skilar mælanlegum rekstrarárangri, skapar verðmæti fyrir hluthafa okkar og skilur eftir sig jákvæð fótspor í íslensku viðskiptalífi.

Aðferðin okkar

Frá fjárfestingu
til útgöngu

Nálgun okkar er einföld, á heildina litið – sem þýðir þó alls ekki að hún sé auðveld eða yfirborðskennd. Þvert á móti snýst hún um að fylgja sömu aðferðinni í hvert sinn sem við stofnum til samstarfs við fyrirtæki.

  • 1. Fjárfestingarferlið

    Ferlið hefst á því að greina tækifærin, meta áhætturnar og semja svo af kostgæfni. Þegar uppi er staðið viljum við fyrst og fremst leggja grunninn að farsælu samstarfi.




  • 2. 100 daga planið

    Fyrstu 100 dagarnir snúast um að renna styrkum stoðum undir sjálfbæran vöxt félagsins. Í þessum fasa greiðum við úr veigamestu atriðum áreiðanleikakönnunarinnar og mörkum stefnu til framtíðar.



  • 3. Eignarhald

    Eignarhaldstími sérhverrar fjárfestingar er að meðaltali 4-6 ár, en á meðan honum stendur viljum við ná haldbærum, mælanlegum árangri. Þá er hlutverk okkar að fylgja eftir og hlúa að fjárfestingunni. Það birtist á ýmsa vegu, eins og að styðja við frekari vöxt, auka hagræði, besta fjármagnsskipan eða innleiða sjálfbærnistefnu.

  • 4. Uppskera og afrakstur

    Í uppskerufasanum fáum við fyrst að njóta ávaxta erfiðis okkar og sjá árangurinn sem aðgerðir okkar hafa borið – ekki aðeins með tilliti til arðsemi, heldur í þeim skilningi að við höfum haft áhrif á rekstur fyrirtækisins til góðs.



  • 5. Útgönguferlið

    Hér höfum við tvö markmið: við viljum að fyrirtækið sem við fjárfestum í sé betur statt eftir okkar aðkomu og að sjá til þess að því vegni vel eftir útgönguna. Við einsetjum okkur að tryggja því bestu framtíðarhorfurnar, hvort sem það felur í sér skráningu á hlutabréfamarkað eða sölu til annarra fjárfesta.


Okkar Skuldbinding

Fremst meðal
jafningja

Alfa Framtak hefur skuldbundið sig opinberlega til þess að innleiða og útfæra meginreglur PRI um ábyrgar fjárfestingar.

Þetta þýðir að samhliða stefnu okkar um áhrifafjárfestingar tökum við ávallt mið af Umhverfis-, Félags-, og Stjórnunarþáttum (UFS) við hverja fjárfestingarákvörðun. Stefnan felur meðal annars í sér að greina áhættuþætti hverrar fjárfestingar og lágmarka líkurnar á því að þeir verði að raunveruleika

– og auka þar með virði fjárfestingarinnar. Þegar allt kemur til alls snýst þessi skuldbinding þó um að skilja eftir jákvætt fótspor fyrir íslenskt samfélag.

Sjálfbærnistefna okkar felur í sér bæði UFS-þætti auk þess sem hún gerir ráð fyrir áhættumati í ákvarðanatökum og eignarhaldi.